موضوع هام جدا ( عن اعياد الميلاد)

السلام عليكم
سوف احكى لكم قصه توضح هل اعياد الميلاد حرام ام حلال ام بدعة سوف ترونها فى القصه بين شخصين اصدقاء انها قصة جميله جدا:
عمرو: السلام عليكم ورحمة الله وبركاته
حسن (ويتضح على معالم وجهه الحزن): وعليكم السلام

عمرو: مالك يا بني فيه ايه؟؟قالب وشك كده ليه؟؟!!!
حسن : لا مافيش
عمرو: عليا برده…. بقى أبو علي اللي دايما يملا الدنيا بهجة قاعد مكتئب كده من غير سبب!!!
حسن (وتزداد ملامحه أسفا وحزنا) :مصطفى صاحبي اللي حكتلك عنه فاكره؟؟
عمرو: أيوة أيوة الأنتيم بتاعك؟؟
حسن : أيوة هو
عمرو: خير ماله ؟؟قلقتني عليه
حسن : إتغير أوي يا عمرو ..من يوم ما استشيخ
عمرو: إستشيخ؟؟
حسن : ربّى لحيته يعني
عمرو: أاه تقصد إلتحى؟؟
حسن : أيوة يا سيدي إلتحى
عمرو: ما شاء الله…طيب إيه اللي مزعلك في كده …هو حد يكره ان صاحبه يكون إنسان ملتزم

حسن : لأ أنا مازعلتش من كده بالعكس دا أنا كنعمرو: بس ايه؟؟
[b]حسن : هو اتغير أوي
[/b][b]عمرو: إزاي يعني؟؟ت فرحان ونفسي أعمل زيه..بس[/b]
حسن : كل ما أقوله على حاجة يقولي بدعة ..حرام
عمرو: مش فاهم طيب إديني مثال
حسن : امبارح مثلا كان عيد ميلاده فكنت فرحان وجايبله هدية وبقوله كل سنة وانت طيب لقيته بيقولي ان العيد ميلاد بدعة!!! ورفض ياخد هديتي!!
عمرو: لا مالوش حق طبعا يعمل كده…طيب ما قالكش ليه هو بيقول كده؟؟
حسن : لأ طبعا أنا أصلا مادتهوش فرصة وشديت معاه ومشيت وسيبته
عمرو: إزاي بس دا انتم صحاب من الإبتدائي…طب روق أمال بلاش تكشر كده
احسن : مش عارف أهو يقصد ان كل حاجة حرام
بيقول إن الرسول عليه السلام قال
من أحدث في أمرنا هذا ما ليس منه فهو رد…نفسي أفهم ايه اللي دخل الدين في الموضوع دا أنا بحتفل بعيـــد ميلادي يعني مش عبادة ولا حاجة
عمرو: طب براحة شوية وبلاش نرفزة….بص أقولك على فكرة ماتيجي ندخل على موقع محترم كده على النت ونشوف الأول الحديث ده صحيح ولا لأة وبالمرة نشوف ايه رأي العلماء في الموضوع
[b]حسن : أوك.. بس أنا ورايا عمرو:مافيش مشاكل..روح انت مشوارك و أنا هادور في الموضوع و لما ترجع ان شاء الله أعرفك لقيت ايهمشوار ضروري دلوقتي[/b]
[b][b]حسن :أوك…مع السلامة

السلام عليكم
تكمله لموضوع اعياد الميلاد وتكمله حديثين الصديقين:
بعد مضي ساعتين)
حسن : السلام عليكم
عمرو: وعليكم السلام ورحمة الله وبركاته …تعالى يا حسن شوف أنا لقيت ايه
بص يا سيدي
أولا الحديث صحيح
ولقيت حديث تاني بيقول
قدم رسول الله المدينة ولهم يومان يلعبون فيهما فقال: ما هذان اليومان؟ قالوا: كنا نلعب فيهما في الجاهلية فقال رسول الله: إن الله قد أبدلكم بهما خيراً منهما يوم الأضحى ويوم الفطر
يعني لو كان الرسول عليه السلام شايف ان لينا أعياد تانية كان هايدل الصحابة عليهم

حسن : طب ماشي ده لو كان عيد.. بس ده مالوش علاقة بالدين

…خلاص يا عم مش هازعلك خليها يوم ميلادي بدل عيد ميلادي
عمرو: يا رااجـــل
طب خد عندك الكلمتين دول لقتهم برده وأنا بعمل بحث
عرف العلماء العيد فقالوا: هو اسم لما يعود من الاجتماع على وجه معتاد عائد إما بعود السنة، أو بعود الشهر، أو بعود الأسبوع
وعليه، فالعيد هو ما احتوى ثلاثة أمور
الأول: يوم عائد أي متكرر. إما سنوياً أو شهرياً أو أسبوعياً
والثاني: اجتماع فيه.
والثالث: أعمال تتبع ذلك من عبادات أو عادات
حسن : طب ماشي خلاص شكلها فعلا هو بالمفهوم ده يبقى اسمه عيد
طب امممممم هانقول بس كل سنة وانت طيب ونجبله هدية من غير احتفال ولا اجتماع ناس
عمرو: يا حبيبي انت كده برده لسة اسمه عــيـــــــــد لأن العيد هو الشيء اللي بيعود على فترات زمنية محددة زي ما كان واضح في الكلام والهدية هي العادة اللي تتبع التهنئة والله أعلم
وبعدين لو نرجع للحديث الأولاني والتاني هانلاقي ان الرسول عليه السلام شرع لنا عيدين بس وانه قال ان كل أمر محدث على الشريعة اللي شرعها لنا بدعة
وفيه حديث كمان لقيته وأنا بعمل بحث بيقو
كل بدعه ضلالة ، وكل ضلالة في النار
حسن : يا نهاااار يعني احتفالي بعيد الميلاد يودّي على النار

لا خلاص ….أستغفر الله العظيم
طب عندي سؤال هو ماينفعش تكون نيتي اني أدخل سرور على قلب مسلم وأقوله كل سنة وانت طيب من غير لا احتفال ولا هدية …أهو عمل صالح أهوه…. نيتي اني ادخل سرور على قلبه
عمرو(مبتسما): يا أبو علي بلاش تفتح على نفسك مداخل للشيطان
بص يا باشا النية الصالحة لا تصلح العمل الفاسد وفيه حاجة كنت قريتها بتقول
إن على شان ربنا يتقبل منا العمل الصالح لابد من توافر شرطين وهما
إن يكون العمل ده نيتنا فيه خالصة لله
وإن يكون اتباعا لسنة الرسول عليه السلام
فلو بصينا للي انت عايز تعمله هنلاقي ان نيتك كويسة بس العمل ليس وفقا للسنة لأ ده بدعة
لأن لا الرسول عليه الصلاة والسلام ولا الصحابة هنوا بعض بأعياد الميلاد…
يبقى عملك ده مش هايتقبل …ده غير اننا زي ما قلنا ان كل بدعة ضلالة وكل ضلالة في النار…فمش معقول حد عاقل عشان يدخل سرور على قلب صاحبه يدخل نفسه النار!!!

[b]حسن : ياااه يا عمور دا انت شكلك ماسبتش حاجة غير لما دورت عليها …روح يا شيخ ربنا يبارك فيك
شكل الواحد محتاج يتعلم حاجات كتير عن دينه
[b]عمرو:أمال يابو علي …ما الرسول عليه الصلاة والسلام قال طلب العلم فريضة على كل مسلم….واحنا من غير علم مش هانعمل ولا نعبد صح ولا ايه؟؟

حسن : معاك حق…بس لسة فيه مشكلة

عمرو : مشكلة ايه كفانا الله شر المشاكل
حسن : أنا دلوقتي عرفت ان التهنئة بعيد الميلاد والإحتفال بيه بدعة…طب صحابي أعمل معاهم ايه؟؟
عمرو : يا راجل خدتني فكرت فيه مشكلة بجد….قولهم على الأدلة اللي انت عرفتها
حسن : مش هاينفع منظري هايكون وحش

عمرو : مش فاهم…إزاي يعني؟؟
حسن : أصلهم كانوا جايبنلي هدايا في عيد ميلادي ولو جيت في عيد ميلادهم قلتلهم انه بدعة هايفكروا اني بتهرب من الهدية

عمرو :

لا بسيطة خالص…بص يا سيدي جيب لكل واحد هدية قبل ميعاد
عيد ميلاده بمده على شان ترد هديته وبعديها بمدة قليلة افتح معاهم موضوع البدعة ده..
بس كده.. والمشكلة هاتكون اتحلت إن شاء الله….
… وبعد كده يا سيدي وقت ماتحب تهادي حد هاديه بنية تهادوا تحابوا زي ما الرسول عليه السلام علمنا وبلاش تكون الهدية في مواعيد الاعياد الميلاد
بس اوعى تضحك على نفسك وتجبهالهم قرب أعياد ميلادهم كهدية لعيد ميلادهم وتقول أنا بعدت عن اليوم

حسن : لا لا خلاص أنا بجد فهمت إن عيد الميلاد بدعة وبعدين مين هايقدر يستحمل نار جهنم..ربنا يحفظنا منها يارب…عمور أنا بجد مش عارف أشكرك إزاي
عمرو : لا يا سيدي أنا مش عايزك تشكرني بس عايزك تعتذر لصاحبك مصطفى اللي ضايقته وماسمحتلوش انه يوضحلك حاجة
حسن ( ومعالم البهجة تملأ وجهه وتتضح في صوته): أااه صحيح مصطفى …أنا هاروح أتصل بيه حااااالا وأصالحه ان شاء الله ده مصطفى ده حبيبي وماقدرش أستغنى عن صاحب زيه …سلااااام
عمرو(مبتسما) : مع السلامة….وماتنساش تسلملي عليه

نفرتيتى

انا باحمد ربنا ان فى منتدى تلا امثالك
بجد موضوع جميل جدا
وجمال الموضوع فى طريقه سرده
وعرفتى ازاى توصلى المعلومه الى الناس
وبجد بجد
احييكى
احييكى

مشكوووووووووووووووووووووووووووورة اجمل نفرتيتى موضوع رائع باقة ورد

جزاكم الله خيرا نفرتيتي
في ميزان حسناتك يا رب
تناولتي القصة بشكل جميل
تقبلي تحياتي
وصلتي للمعلومة بشكل بسيط جدا وسهل ومحبب في القصة تسلم ايدك
تقبلي مروري

بس ممكن اقول شيء
فعلا المسلمين ما ليهم غير عيدين فقط ده معروف
الاضحي والفطر وما يوازيهم عيد وما يبدلهم بعيد
ام عن شرعية عيد الميلاد
ممكن تقرأ فيها كلنا تاني
عن ادلة
سئل صلي الله عليه وسلملما تصوم يوم الاثنين والخميس
قال ذاك يوم ترفع فيه الاعمال واحب ان يرفع عملي وانا صائم
وذاك يوم ولدت فيه يعني يحمد لله بالصيام
ده افضل شكر واحتفال بعيد الميلاد صيام ذلك اليوم
اما مظاهر الاحتفال الاخري لا باس
قال العلماء ضوابطها
ممكن تعزم بعض الصالحين وتناقش امر او قضية تجعله يوم فيه فائدة
ولا مانع من ان تقدم لهم شيء من طلعام او ما شابه
المهم فرحة بغير زيادة اومظاهر خداعة وكاذبة
شكر النعمة علي الوجود بصيام او ذكر او تقديم طاعة
يمكن الرجوع لكتب الشيخ الغزالي رحمه الله في موضوع الاحتفالات عموما
او غيره ومش هتفرق والله انا عمري ما احتفلت بعيد ميلادي ولا
فكرت احتفل ولا انتظر تهنئة احد من احد فيه
لكن قلت اذكر الامر للناس
حتي لا يدعي احد بالابتداع
خاصة
ان من شروط البدعة يا شبااااااااااب
البدعة لا تكووون الا في الدين
يعني ما في بدعة في امر دنيوي
ده قاعدة شرعية معروفة في تعريف البدعة
يعني اي امر مستحدث من امور الدنيا ليس ببدعة
البدعة الاختراع في الدين اتمني قبل النقل او الفتوي تراجع الاصول
والرجوع للمصادر الشرعية
ولو ما هنيت ما عليك لوم ولو ما احتفلت ما عليك لوم

وكمااااااااااااااااااااان مشكور يا عمرو على هذه المعلومه
وعلى ثقافتك الطيبه
وان كنت ارى ان تذكر يوم الميلاد مهم لانه قد يعين على الطاعه وتعويض ما فات من العمر من تقصير فى حق الله
ولكن كما قلت يا اخى الكريم بدون مظاهر كدابه ومصاريف باهظه
حتى لا نحول اجمل ايامنا الى معصيه
جزاك الله خيرا يا عمرو

» موضوع يستحق الحذف!!!
» تكمله موضوع ♥♥இ♥♥ الجنـة عـروس مهرهـا قهـر النفـوس ♥♥இ♥♥
» شياطين لا تصفد فى رمضان
» موضوع خطير يتعلق بسلامة العقيدة:
» من الطارق؟ موضوع يستحق القراءة فلا تمر دون ان تقرأ