عم صابـــــــــــــــــــر

السلام عليكم ورحمة الله وبركاته

ازيكم ياجماعه واحشنى جدا والله وبعتذر لغيابي عن المنتدى ولكن لظروف الشغل

وبمناسبة الشغل جايبلكم حاجه من ريحته دى شوية قصايد وشعار كاتبهم واحد معايا

فى الشغل .راجل كبير ف السن وبيتكلم من جوه قلبه باسلوب طلق جميل امتعنى

ياترى هيكون ايه رايكم فى كلامه؟؟؟؟؟؟؟؟؟؟؟؟؟

صـــــابر" راجل طيب عايش "
ومعاه ام اولاده"ربـــــــــــــــاب"
ست تشوفها تقول دى عجوزه
وهى ياحــــــــبة عينى شبـــــــاب
كتر الخلفه هدت حيلـــــــها
عايشه حياتها شقا وعذاب
جايبه من الاولاد اتناشر
سته صبايا وسته شباب
اوضه شايله العيله بحالها
و"صابر" شايل همه حزين
راصص كوم اللحم بتاعه
ولااحسن علبــــــــة سردين
ع الاتناشر شهر مراته
تحدف عيل او بنتين
شوف اتناشر بؤ ياصاحبي
بياكلوا عرق وشقا المسكين

عفش الاوضه يادوب مايزيدشي
عن طبليه..وكنبه..وسرير
تنحط الطبليه..ينحطوا
اتناشر ايد ولاطير ابابيل
المسكين ع بال مايسمى
يلقي اطبقا مش عايزه غسيل
يزعق ..جبته لنفسي ياربي
ماكسبتش غير هد الحيل
دا ..من باب الاكل ولسه
فين اللبس؟ةفين تعليمهم؟
لو حب يجيب اللبس لسته
يبقي ضرورى هيقسمهم
او هيلبس سته كفايه
والباقيين.. مش هيلبسهم
والتعيم لسه ومصاريفه
وازاى بعد ده هيجوزهم

ليه ياسي صابر تتعس نفسك
وتقضي حياتكم ف عذاب؟
تنظيم الاسره فتح جنبك
ليه ماراحتش الست رباب؟
التوجيه مبقاش فيه فايده
بعد ماشاب هيروح كتاب
اللى يلاقي شقه ل"صابر"
يكسب ف المسكين ده ثواب

مشكوووووووووووووووووور تاك انت وعم صابر ههههههههههههههههههههههههههههه