عفوًا ، رصيدك الحالي لا يكفي لاتمام هذه المكالمة !!

بعد الفطار وصلاه
الظهر طلعت الموبايل وجيت أتصل ..
ردت عليا واحدة قالتلي ( عفوًا رصيدك الحالي
لا يكفي لاتمام هذه المكالمة )
فتضايقت جدا وجريت على السنترال وشحنت 5 جنيه
عشان المكالمة كانت فعلا ضرورية ،،

وساعتها جاء فى بالي موقف هحكى لكم عليه
وانتوا عيشوه معايا ، ماشي ؟

تخيل يوم القيامة .. وكلنا واقفين بين يدي الله
سبحانه
ومنا اللي هيدخل الجنة - ربنا يجعلنا منهم - ،،
ومنا والعياذ بالله
اللي هيدخل النار - الله لا يجعلنا منهم - ،،

فتخيل لو انتا جيت تدخل الجنة
فنادت عليك الملايكة مع الفارق طبعًا ،
( عفوًا رصيدك الحالي لا يكفي لدخول
الجنة )

شعورك ساعتها هيكون إيه ؟
وطبعًا رصيدك مايكفيش عشان كفة
السيئات رجحت على كفة الحسنات
طيب السؤال :
ليــــــــــــــــــــــــــــــــــــــه ؟؟ !!
دي الحسنة بعشر أمثالها ..
والسيئة بسيئة واحدة بس ،،
فلما كفة السيئات ترجح على كفة الحسنات أكيد فيه خلل
حصل ، صح ؟
الخلل ده هو ( التهاون في ارتكاب السيئات )
وعلى الصعيد الآخر (
التكاسل عن فعل الحسنات )

فكانت النتيجة إن كفة السيئات رجحت على كفة
الحسنات ، وبقى :
رصيدك لا يكفي لدخول الجنة !!!!!

وطبعًا لما بيرد عليك
الكمبيوتر عشان يقولك
.. عفوًا رصيدك الحالي لا يكفي لاتمام هذه المكالمة
..
بيكون على سبيل التنبيه ، يعني ممكن تروح تشحن وتتكلم براحتك ،،
إنما (
عفوًا رصيدك الحالي لا يكفي لدخول الجنة ) مفيهاش رجوع تاني خالص !!

عشان
كده وعشان مانسمعش كلمة زي دي يوم القيامة والعياذ بالله ،
يلا نحافظ على رصيدنا
من الحسنات ونزوده .. ونشحن أول بأول !!
ونحاول على أد ما نقدر نتجنب السيئات
عشان ندخلها سوا يا شباب
..الجنــــــــــــــــــــــــــــــــــــــــــــ
ــــــة ..

وبدل ما نسمع إن رصيدنا ميكفيش لدخول الجنة ، نسمع :
"
ادخلوها بسلام آمنين .. "

جعلنا الله وإياكم من أهلها
آمين
،،

.

.

.

دي مجرد تذكرة بسيطة جت على بالي وقولت
أشارككم فيها ،
وإن كان من خير فمن الله وحده
وإن كان من شر فمني والشيطان
،،

.

سبحانك اللهم وبحمدك ، أشهد ألا إله إلا أنت
أستغفرك وأتوب
إليك !!

عفوًا ، رصيدك الحالي لا يكفي لاتمام هذه المكالمة !! 65237044yx0

بسم الله والصلاة والسلام على رسول الله
بجد تلالالالا تشكرى على التذكرة فذكّر ان الذكرى تنفع المؤمنين

نورتينى ونورتى المنتدى اجمل بسملةةةةة يسلمو على الرد باقة ورد

السلام عليكم
بجد انا اولا احب اقول شى قبل ما اقول الرد اولا انا كنت متضايقة شويه وانا قاعدة دلوقتى واول مافتحت وقرايت الموضوع قلبى انشرح وفرحت وقلت فى سرى بارك الله فيكى والله يفتح عليكى موضوع اكثر من هايل وبجد عجبنى جدا لان معناها كبير احنا اللى بايدنا التذكره ديه لان الراى ان الانسان هو الللى بيروح برجله لمعصيه السيئات او الخير الحسنات وربنا ادانا عقل عشان نفرق بين الصح والغلط وربنا يبهدينا واصلح حالانا واصلح حال المسلمين جميعا وجزاكى الله خير اختى تلالا وتقبلى مرورى

نورتي صفحتى اجمل نفر بارك الله فيكى

سلم ايدك تلالا وبارك الله فيك
موضوع رئع جداًً
اللهم يجعلنا ممن زاد حسناتهم وانعجمت سواءتهم وسياءتهم غفر لهم
اللهم آآمين

» قصة المكالمة التي ابكت الشيخ السديس
» قلمي أخذ استراحة بما يكفي ... =بقلمي=